වාහනයේ අයිතිය අප රටේ දිනපතා සිදුවන රිය අනතුරු බහුල වෙමින් පවතින බව ඔබ හොදින්ම දන්නා කරුණකි.රිය අනතුරක් සිදුවූ විට නඩු දෙකටම මැදිහත් වීමට රියදුරන්ට හා වාහන හිමියන්ට සිදුවේ.එම නිසා මේ පිළිබද අනිවාර්ය දැනුමක් තිබීම ඔබට ඉතාම වැදගත් වේවි.ඉන් පළමුවැන්න නම් රිය අනතුරක් සිදුවූ විට රටේ නීති රීති කඩකිරීම පිළිබදව අනතුර සිදුවන මොහොතේ රථය ධාවනය කල රියදුරුට විරුද්ධව මහේස්ත්‍රාත් උසාවියේදී නඩු පැවරීමයි.එහිදී ඇතැම් වැරදි වලට දඩ ගෙවීමටත් තවත් ඒවාට සිර දඩුවම් විදීමටත් රියදුරාට සිදුවේ. එසේම දෙවැනි නඩුකරය නම් රිය අනතුර සිදුවීමෙන් අනතුරට පත් පාර්ශවය විසින් එම අනතුරින් තමන්ට සිදුවූ අගතියට හානි පුර්ණය කරගැනීම සදහා රියදුරාට හා වාහන හිමියාට එරෙහි වූ දිසා අධිකරණයට යොමු කරනු ලබන රිය අනතුරු වන්දි නඩුවයි.මෙම නඩුව පැවරීමට පොලීසිය මගින් මහේස්ත්‍රාත් අධිකරණයෙහි පැවරු නඩුව අවසන් වන තෙක් සිටිය යුතු නැත.අනතුර සිදුවී වසර 2ක් කාලයක් තුල මෙම නඩුව පැවරීමේ හැකියාව පවතී. මෝටර් රථ මාර්ගයෙහි ඉදිරියට ධාවනය කිරීම හා ධාවනයේ යෙදෙන අතරතුර දකුණට හෝ වමට හැරවීමේදී සහ අවශ්‍ය වූ විටක යළි පැමිණි මාර්ගයෙහිම ගමන් කිරීම සදහා පසුපසට හැරවීමට අවශ්‍ය වුවහොත් ඒ පිළිබදව නීත්‍යනුකුල විධිවිධාන රාශියක් තිබෙන නමුත් අනතුර සිදුවන නිවසේදී එය වළක්වා ගැනීම සදහා අවස්ථාවට සුදුසු ක්‍රියාමාර්ගයක් ගැනීම සෑම වාහන පදවන රියදුරෙකුගේම යුතුකමක් වේ. එලෙසම පනතට අනුව කිසිම තැනැත්තෙකු විසින් තමාගේ නමින් ලියාපදිංචි කොට නමැති මෝටර් රථයක් සන්තකයේ තබා ගැනීම හෝ පාවිච්චි කිරීම නීතියෙන් තහනම් වේ.එසේම වලංගු ආදායම් බලපත්‍රයක් නොමැතිව කිසිදු මෝටර් රථ වාහනයක් ළග තබා ගැනීම හෝ භාවිතා කිරීම නීති විරෝධී වේ. නමුත් මෝටර් රථ නිෂ්පාදකයින්ට මෙන්ම විකිණීම සදහා පිටරටින් වාහන ගෙන්වන වෙළෙන්දන්ට,ලියාපදිංචි නොකරන ලද වාහන විකුණන තෙක් මහා මාර්ගයේ ධාවනය නොකර තමන් සන්තකයේ තබා ගත හැකිය. යම් මෝටර් රථයක අයිතිකරු ශ්‍රී ලංකාවෙන් පිටත මාස 02 කට අධික කාලයක් පදිංචිව සිටින විට එම වාහනයේ තාවකාලික අයිතිකරු වශයෙන් ලංකාවේ පදිංචි කෙනෙකු ඇටෝර්නි බලපත්‍රයක් මගින් පත්කර ගත හැකිය. වාහනය පුර්ණව රක්ෂණය කිරීම වාහන මහා මාර්ගයෙහි ධාවනය කිරීමට පළමුව රක්ෂණය කිරීම අත්‍යවශ්‍ය වේ.වාහනයක් සම්පුර්ණ වගකීම සහිතව රක්ෂණය කිරීමට ඔබ සැලකිලිමත් වීම වැදගත්ය.එවිට වාහනයට මෙන්ම එම වාහනයේ ගමන් කරන්නන්ට,හෝ වාහනයෙන් හානියට පත් දේපළ වලට මහමග ගමන් ගන්නා මගීන්ට හා වෙනත් වාහනවලට සිදුවිය හැකි හානි පුර්ණය සිදු කෙරේ. තුන්වැනි පාර්ශව රක්ෂණය ගාස්තු අධික බැවින් බොහෝ වාහන හිමියන් තම වාහන හිමියන් තම වාහන සම්පුර්ණයෙන් රක්ෂණය නොකර තුන්වෙනි පාර්ශවයට සිදුවිය හැකි අනතුරුවලින් පමණක් ආරක්ෂා වීම සදහා බොහෝවිට යොමුවේ. මෙහිදී වාහනයට හෝ එහි ගමන් කරන්නන්ට සිදුවිය හැකි හානිවලට රක්ෂණ ව්‍යාපාරය වග නොකියන නමුත් තුන්වෙනි පාර්ශවයක් ලෙස සැලකෙන මහා මාර්ගයේ ගමන් ගන්නා මගීන් සහ අවට ඇති දේපළ වලට එම වාහනයෙන් සිදුවන අනතුරු සදහා පමණක් හානි පුර්ණය කෙරේ.අවම වශයෙන් තුන්වෙනි පාර්ශවය පමණක් ආවරණය වන හෝ රක්ෂණයක් ලබා නොගෙන කිසිදු වාහනයක් මහා මාර්ගයන්හි ධාවනය කිරීම තහනම් වේ. ඒ කෙසේ වෙතත් රියදුරන් විසින් ඕනෑකමින් ම කෙනෙකු වාහනයට යටකොට මරණයට පත් කළ හොත් හෝ කෙනෙකු සිය දිවි හානි කර ගැනීමට ක්ෂණිකව වාහනය ඉදිරියට පැනීම හේතුවෙන් මරණය සිදුකර ගතහොත් එම වැරදිකර පාර්ශවයන්ට වන්දි ගෙවීමට රක්ෂණ ආයතනය බැදී නැත. වාහන හිමියන් තම වාහන රක්ෂණය කිරීමේදී තම රක්ෂණ ගිවිසුම හොදින් කියවා රක්ෂණ කොන්දේසි මොනවාදැයි අවබෝධ කරගෙන එකගවීම වැදගත් වේ.එවිට රක්ෂණ ඔප්පුවලට අයුක්ති සහගත කොන්දේසි ඇතුලත් කිරීම හෝ රක්ෂණය සමාගම වගකීමෙන් මුක්ත වීමේ කොන්දේසි ඇතුලත් වී ඇත්නම් එය වළකා ගැනීමට ඔබට හැකියාව ලැබෙයි. රියදුරු බලපත්‍ර වලංගු රියදුරු බලපත්‍රයක් නොමැතිව කිසිදු මෝටර් රථයක් පැදවීමට නීතියෙන් අවසර නැත.එසේම වලංගු රියදුරු බලපත්‍රයක් නොමැති අයෙකුට වාහනයක් ධාවනය කිරීමට අවසර ලබා දීම හෝ සේවයෙහි නියුක්ත කිරීමද නීතිවිරෝධී දඩුවම් ලැබිය හැකි වරදක් වේ.එහෙත් රියදුරු බලපත්‍රය ලබාගැනීම සදහා වාහන පැදවීමට පුහුණු වන්නන් හට පුහුණුකරුවෙකු සහිතව බලපත්‍රයක් රහිතව පුහුණු වීමේ කාර්යය සිදුකල හැකිය. මෝටර් රථ වාහන ධාවනය කිරීම හා හැසිරවීම පිළිබද විධිවිධාන රාශියක් තිබෙන නමුත් අනතුරක් වළක්වා ගැනීම සදහා අවස්ථාවට සුදුසු ක්‍රියාමාර්ගයක් ගැනීම සෑම වාහන පදවන රියදුරෙකුගේම යුතුකම වේ. මත්පැන් හෝ මත්ද්‍රව්‍ය ගැනීමන් පසුව කිසිම තැනැත්තෙකු විසින් මහා මාර්ගයෙහි මෝටර් රථ වාහන පැදවීම නොකළ යුතු වේ.මත්පැන් පානය කර ඇති රියදුරෙකු යම් පොලිස් නිළධාරියෙකු සැක කරන අවස්ථාවක එම තැනැත්තා ප්‍රශ්වාස පරීක්ෂණයකට ලක් වීමට ඒ තැනැත්තා ප්‍රතික්ෂේප කරන විට ඒ තැනැත්තා මත්පැන් ගෙන ඇති බවට පුර්ව නිගමනය කරනු ලැබේ. මෝටර් රථ වාහන පනතේ 151 (1) අතුරු වගන්තිය අනුව මත්පැන් බී රිය පදවමින් යම් අයෙකු වරදක් කර ඇති බවට පොලිස් නිලධාරියෙකු සාධාරණව විශ්වාස කරනු ලැබූ අවස්ථාවක එම තැනැත්තා වරෙන්තුවක් නොමැතිව සිරභාරයට ගැනීමට එම පොලිස් නිලධාරියාට බලය ඇත. අපරික්ෂාකාරීව අනතුරුදායක ආකාරයෙන් හෝ අන්තරාදායක වේගයකින් මහා මාර්ගය පාවිච්චි කරන වෙනත් තැනැත්තන් කෙරෙහි නොසැලකිලිමත්ව හෝ යුක්ති සහගත සැලකිල්ලක් නොමැතිව මහා මාර්ගයෙහි රථ වාහන ධාවනය කිරීම වරදකි. මෝටර් රථ වාහන පනතේ 153 වන වගන්තිය අනුව පදවන වාහනයේ ගියර් මාරු කරන සහ සංඥාවක් දෙන අවස්ථාවලදී හැර වාහනය පදවන සෑම විටම රියදුරුගේ අත්දෙකම සුක්කානම මත තබා ගත යුතුය.එමෙන්ම මෝටර් රථයක ඉදිරි ආසනයෙහි රියදුරුට අතිරේකව තවත් දෙදෙනෙකුට ගමන් කිරීමට අවසර නොමැත. රිය අනතුරක් වූ අවස්ථාවකදී මහා මාර්ගයක දී මෝටර් රථයකින් යම් තැනැත්තෙකුට ,දේපළකට හෝ අනතුරක් වූ අවස්ථාවක රියදුරු විසින් වාහනය වහාම නතර කල යුතු වේ.අනතුරට පත් වූ තැනැත්තාගේ තත්වය අන්තරාදායක බව පෙනී ගියහොත් වහාම ඒ තැනැත්තා ආරෝග්‍යශාලාවකට හෝ වෛද්‍යවරයෙකු වෙත ගෙන ගොස් ළගම ඇති පොලීසියට හැකි ඉක්මනින් අනතුර පිළිබද වාර්තා කල යුතු වේ. මෝටර් රථ වාහනයේ අයිතිකරු විසින් අනතුර සිදුවූ අවස්ථාවේ තමා එහි සිටියත් නැතත් පොලිස් නිලධාරියෙකු හෝ ග්‍රාම නිලධාරියෙකු ඉල්ලා සිටියහොත් අනතුර සිදුවූ අවස්ථාවේ වාහනයේ සිටි රියදුරගේත් ඒ තුල සිටි අනෙකුත් සියලු අයගෙත් නම් ලිපිනයන් ආදී සියලු තොරතුරු සැපයීමටත් බැදී සිටිය යුතු වේ.එසේම නීතිමය අවශ්‍යතාවය මත ඉල්ලා සිටින විටකදී එම වාහනයේ රක්ෂණ සහතිකය ,ආදායම් බලපත්‍රය ඉදිරිපත් කිරීමට ද, වාහනයේ අයිතිකරු බැදී සිටියි. මහා මාර්ග වල වාහන නවතා තැබීමේදී අනෙකුත් රථවාහන වල ගමනාගමනයන් අවහිර නොවන සේ වාහනය හැකිතාක් මාර්ගයේ අයිනට වන්නට නවතා එන්ජිම ක්‍රියා විරහිත කල යුතුය.හදිසි අනතුරක්,යාන්ත්‍රික දෝෂයක් හෝ ටයර් අක්‍රීය වීමක් නිසා රාත්‍රියකදී මහා මාර්ගයේ මෝටර් රථයක් තබා යාමට සිදුවන අවස්ථාවකදී රථයේ ඉදිරිපස ආලෝකමත් කර තිබිය යුතුය. මෝටර් රථ වාහන පනතට එකතු වූ 2009/08 දරණ නව සංශෝධනයට පෙර වාහන අනතුරකදී සිදුවූ අලාභයන් අයකර ගැනීමට දිසා අධිකරණයක පනවන නඩුවකදී 106 වගන්තිය ප්‍රකාරව රක්ෂණ ආයතනය වෙත දැනුම් දීමක් පමණක් සිදුකිරීම ප්‍රමාණවත් වුවද නව සංශෝධනය අනුව රක්ෂණ ආයතනයද නඩුවේ විත්තිකරුවෙකු ලෙස නම් කල යුතු බව ඔබ මතක තබා ගත යුතුය.එසේ නොවුන හොත් ඔබට රක්ෂණ ආයතනයෙන් වන්දි ලබා ගැනීමට නොහැකිවනු ඇත. මෝටර් රථ වාහන පිළිබදව දැනට බලපවත්වාන්නාවූ මෙම ප්‍රධාන නීති පද්ධතිය අන්තර්ගත වී ඇති 1951/අංක 14 දරන මෝටර් රථ වාහන පනත 1952 අංක 01 සිට 2009/08 දරන සංශෝධනය දක්වා 27 වතාවකට ආසන්න වාර ගණනක් සංශෝධන පනත් මගින් වරින්වර සංශෝධනය වී තිබේ.එසේම වර්තමානයේ සිදුවෙමින් පවතින අසීමිත වූ රිය අනතුරු අවම කර ගැනීම පිණිස නැවත වරක් සංශෝධනය කිරීමට යෝජනා වී ඇත.මෙලෙස බොහෝ වාර ගණනක් සංශෝධනය වීමෙන් ම මෙහි වැදගත්කම තහවරු වේ.එහෙත් කොතරම් නීති මගින් කොතරම් වන්දි ප්‍රමාණයක් ඔබට ලබා දුන්නද කොයිතරම් හෝ මිලක් ගෙවා ජීවිතය යලි ලබාගත නොහැකිය.සියල්ලන්ටම වඩා ඔබේ ජීවිතය වටිනා බැවින් ඔබේ ගමන ආරක්ෂාකාරීව යාමට හැකි උපරිම ලෙස උත්සහ ගන්න.
FB ඉන්නකොට දැක්කේ ඔයාලටත් වටිනවා කියල හිතුන නිසා දැම්මේ ඉතින් ඉතින් ස්තුතිය යන්න ඕනි දාපු කෙනාටම තමා

වාහනයේ අයිතිය

අප රටේ දිනපතා සිදුවන රිය අනතුරු බහුල වෙමින් පවතින බව ඔබ හොදින්ම දන්නා කරුණකි.රිය අනතුරක් සිදුවූ විට නඩු දෙකටම මැදිහත් වීමට රියදුරන්ට හා වාහන හිමියන්ට සිදුවේ.එම නිසා මේ පිළිබද අනිවාර්ය දැනුමක් තිබීම ඔබට ඉතාම වැදගත් වේවි.ඉන් පළමුවැන්න නම් රිය අනතුරක් සිදුවූ විට රටේ නීති රීති කඩකිරීම පිළිබදව අනතුර සිදුවන මොහොතේ රථය ධාවනය කල රියදුරුට විරුද්ධව මහේස්ත්‍රාත් උසාවියේදී නඩු පැවරීමයි.එහිදී ඇතැම් වැරදි වලට දඩ ගෙවීමටත් තවත් ඒවාට සිර දඩුවම් විදීමටත් රියදුරාට සිදුවේ.

එසේම දෙවැනි නඩුකරය නම් රිය අනතුර සිදුවීමෙන් අනතුරට පත් පාර්ශවය විසින් එම අනතුරින් තමන්ට සිදුවූ අගතියට හානි පුර්ණය කරගැනීම සදහා රියදුරාට හා වාහන හිමියාට එරෙහි වූ දිසා අධිකරණයට යොමු කරනු ලබන රිය අනතුරු වන්දි නඩුවයි.මෙම නඩුව පැවරීමට පොලීසිය මගින් මහේස්ත්‍රාත් අධිකරණයෙහි පැවරු නඩුව අවසන් වන තෙක් සිටිය යුතු නැත.අනතුර සිදුවී වසර 2ක් කාලයක් තුල මෙම නඩුව පැවරීමේ හැකියාව පවතී.

මෝටර් රථ මාර්ගයෙහි ඉදිරියට ධාවනය කිරීම හා ධාවනයේ යෙදෙන අතරතුර දකුණට හෝ වමට හැරවීමේදී සහ අවශ්‍ය වූ විටක යළි පැමිණි මාර්ගයෙහිම ගමන් කිරීම සදහා පසුපසට හැරවීමට අවශ්‍ය වුවහොත් ඒ පිළිබදව නීත්‍යනුකුල විධිවිධාන රාශියක් තිබෙන නමුත් අනතුර සිදුවන නිවසේදී එය වළක්වා ගැනීම සදහා අවස්ථාවට සුදුසු ක්‍රියාමාර්ගයක් ගැනීම සෑම වාහන පදවන රියදුරෙකුගේම යුතුකමක් වේ.

එලෙසම පනතට අනුව කිසිම තැනැත්තෙකු විසින් තමාගේ නමින් ලියාපදිංචි කොට නමැති මෝටර් රථයක් සන්තකයේ තබා ගැනීම හෝ පාවිච්චි කිරීම නීතියෙන් තහනම් වේ.එසේම වලංගු ආදායම් බලපත්‍රයක් නොමැතිව කිසිදු මෝටර් රථ වාහනයක් ළග තබා ගැනීම හෝ භාවිතා කිරීම නීති විරෝධී වේ.

නමුත් මෝටර් රථ නිෂ්පාදකයින්ට මෙන්ම විකිණීම සදහා පිටරටින් වාහන ගෙන්වන වෙළෙන්දන්ට,ලියාපදිංචි නොකරන ලද වාහන විකුණන තෙක් මහා මාර්ගයේ ධාවනය නොකර තමන් සන්තකයේ තබා ගත හැකිය.

යම් මෝටර් රථයක අයිතිකරු ශ්‍රී ලංකාවෙන් පිටත මාස 02 කට අධික කාලයක් පදිංචිව සිටින විට එම වාහනයේ තාවකාලික අයිතිකරු වශයෙන් ලංකාවේ පදිංචි කෙනෙකු ඇටෝර්නි බලපත්‍රයක් මගින් පත්කර ගත හැකිය.


වාහනය පුර්ණව රක්ෂණය කිරීම

වාහන මහා මාර්ගයෙහි ධාවනය කිරීමට පළමුව රක්ෂණය කිරීම අත්‍යවශ්‍ය වේ.වාහනයක් සම්පුර්ණ වගකීම සහිතව රක්ෂණය කිරීමට ඔබ සැලකිලිමත් වීම වැදගත්ය.එවිට වාහනයට මෙන්ම එම වාහනයේ ගමන් කරන්නන්ට,හෝ වාහනයෙන් හානියට පත් දේපළ වලට මහමග ගමන් ගන්නා මගීන්ට හා වෙනත් වාහනවලට සිදුවිය හැකි හානි පුර්ණය සිදු කෙරේ.


තුන්වැනි පාර්ශව රක්ෂණය

ගාස්තු අධික බැවින් බොහෝ වාහන හිමියන් තම වාහන හිමියන් තම වාහන සම්පුර්ණයෙන් රක්ෂණය නොකර තුන්වෙනි පාර්ශවයට සිදුවිය හැකි අනතුරුවලින් පමණක් ආරක්ෂා වීම සදහා බොහෝවිට යොමුවේ.

මෙහිදී වාහනයට හෝ එහි ගමන් කරන්නන්ට සිදුවිය හැකි හානිවලට රක්ෂණ ව්‍යාපාරය වග නොකියන නමුත් තුන්වෙනි පාර්ශවයක් ලෙස සැලකෙන  මහා මාර්ගයේ ගමන් ගන්නා මගීන් සහ අවට ඇති දේපළ වලට එම වාහනයෙන් සිදුවන අනතුරු සදහා පමණක් හානි පුර්ණය කෙරේ.අවම වශයෙන් තුන්වෙනි පාර්ශවය පමණක් ආවරණය වන හෝ රක්ෂණයක් ලබා නොගෙන කිසිදු වාහනයක් මහා මාර්ගයන්හි ධාවනය කිරීම තහනම් වේ.

ඒ කෙසේ වෙතත් රියදුරන් විසින් ඕනෑකමින් ම කෙනෙකු වාහනයට යටකොට මරණයට පත් කළ හොත් හෝ කෙනෙකු සිය දිවි හානි කර ගැනීමට ක්ෂණිකව වාහනය ඉදිරියට පැනීම හේතුවෙන් මරණය සිදුකර ගතහොත් එම වැරදිකර පාර්ශවයන්ට වන්දි ගෙවීමට රක්ෂණ ආයතනය බැදී නැත.

වාහන හිමියන් තම වාහන රක්ෂණය කිරීමේදී තම රක්ෂණ ගිවිසුම හොදින් කියවා රක්ෂණ කොන්දේසි මොනවාදැයි අවබෝධ කරගෙන එකගවීම වැදගත් වේ.එවිට රක්ෂණ ඔප්පුවලට අයුක්ති සහගත කොන්දේසි ඇතුලත් කිරීම හෝ රක්ෂණය සමාගම වගකීමෙන් මුක්ත වීමේ කොන්දේසි ඇතුලත් වී ඇත්නම් එය වළකා ගැනීමට ඔබට හැකියාව ලැබෙයි.


රියදුරු බලපත්‍ර

වලංගු රියදුරු බලපත්‍රයක් නොමැතිව කිසිදු මෝටර් රථයක් පැදවීමට නීතියෙන් අවසර නැත.එසේම වලංගු රියදුරු බලපත්‍රයක් නොමැති අයෙකුට වාහනයක් ධාවනය කිරීමට අවසර ලබා දීම හෝ සේවයෙහි නියුක්ත කිරීමද නීතිවිරෝධී දඩුවම් ලැබිය හැකි වරදක් වේ.එහෙත් රියදුරු බලපත්‍රය ලබාගැනීම සදහා වාහන පැදවීමට පුහුණු වන්නන් හට පුහුණුකරුවෙකු සහිතව බලපත්‍රයක් රහිතව පුහුණු වීමේ කාර්යය සිදුකල හැකිය.

මෝටර් රථ වාහන ධාවනය කිරීම හා හැසිරවීම පිළිබද විධිවිධාන රාශියක් තිබෙන නමුත් අනතුරක් වළක්වා ගැනීම සදහා අවස්ථාවට සුදුසු ක්‍රියාමාර්ගයක් ගැනීම සෑම වාහන පදවන රියදුරෙකුගේම යුතුකම වේ.

මත්පැන් හෝ මත්ද්‍රව්‍ය ගැනීමන් පසුව කිසිම තැනැත්තෙකු විසින් මහා මාර්ගයෙහි මෝටර් රථ වාහන පැදවීම නොකළ යුතු වේ.මත්පැන් පානය කර ඇති රියදුරෙකු යම් පොලිස් නිළධාරියෙකු සැක කරන අවස්ථාවක එම තැනැත්තා ප්‍රශ්වාස පරීක්ෂණයකට ලක් වීමට ඒ තැනැත්තා ප්‍රතික්ෂේප කරන විට ඒ තැනැත්තා මත්පැන් ගෙන ඇති බවට පුර්ව නිගමනය කරනු ලැබේ.

මෝටර් රථ වාහන පනතේ 151 (1) අතුරු වගන්තිය අනුව මත්පැන් බී රිය පදවමින් යම් අයෙකු වරදක් කර ඇති බවට පොලිස් නිලධාරියෙකු සාධාරණව විශ්වාස කරනු ලැබූ අවස්ථාවක එම තැනැත්තා වරෙන්තුවක් නොමැතිව සිරභාරයට ගැනීමට එම පොලිස් නිලධාරියාට බලය ඇත.

අපරික්ෂාකාරීව අනතුරුදායක ආකාරයෙන් හෝ අන්තරාදායක වේගයකින් මහා මාර්ගය පාවිච්චි කරන වෙනත් තැනැත්තන් කෙරෙහි නොසැලකිලිමත්ව හෝ යුක්ති සහගත සැලකිල්ලක් නොමැතිව මහා මාර්ගයෙහි රථ වාහන ධාවනය කිරීම වරදකි.

මෝටර් රථ වාහන පනතේ 153 වන වගන්තිය අනුව පදවන වාහනයේ ගියර් මාරු කරන සහ සංඥාවක් දෙන අවස්ථාවලදී හැර වාහනය පදවන සෑම විටම රියදුරුගේ අත්දෙකම සුක්කානම මත තබා ගත යුතුය.එමෙන්ම මෝටර් රථයක ඉදිරි ආසනයෙහි රියදුරුට අතිරේකව තවත් දෙදෙනෙකුට ගමන් කිරීමට අවසර නොමැත.


රිය අනතුරක් වූ අවස්ථාවකදී

මහා මාර්ගයක දී මෝටර් රථයකින් යම් තැනැත්තෙකුට ,දේපළකට හෝ අනතුරක් වූ අවස්ථාවක රියදුරු විසින් වාහනය වහාම නතර කල යුතු වේ.අනතුරට පත් වූ තැනැත්තාගේ තත්වය අන්තරාදායක බව පෙනී ගියහොත් වහාම ඒ තැනැත්තා ආරෝග්‍යශාලාවකට හෝ වෛද්‍යවරයෙකු වෙත ගෙන ගොස් ළගම ඇති පොලීසියට හැකි ඉක්මනින් අනතුර පිළිබද වාර්තා කල යුතු වේ.

මෝටර් රථ වාහනයේ අයිතිකරු විසින් අනතුර සිදුවූ අවස්ථාවේ තමා එහි සිටියත් නැතත් පොලිස් නිලධාරියෙකු හෝ ග්‍රාම නිලධාරියෙකු ඉල්ලා සිටියහොත් අනතුර සිදුවූ අවස්ථාවේ වාහනයේ සිටි රියදුරගේත් ඒ තුල සිටි අනෙකුත් සියලු අයගෙත් නම් ලිපිනයන් ආදී සියලු තොරතුරු සැපයීමටත් බැදී සිටිය යුතු වේ.එසේම නීතිමය අවශ්‍යතාවය මත ඉල්ලා සිටින විටකදී එම වාහනයේ රක්ෂණ සහතිකය ,ආදායම් බලපත්‍රය ඉදිරිපත් කිරීමට ද, වාහනයේ අයිතිකරු බැදී සිටියි.

මහා මාර්ග වල වාහන නවතා තැබීමේදී අනෙකුත් රථවාහන වල ගමනාගමනයන් අවහිර නොවන සේ වාහනය හැකිතාක් මාර්ගයේ අයිනට වන්නට නවතා එන්ජිම ක්‍රියා විරහිත කල යුතුය.හදිසි අනතුරක්,යාන්ත්‍රික දෝෂයක් හෝ ටයර් අක්‍රීය වීමක් නිසා රාත්‍රියකදී මහා මාර්ගයේ මෝටර් රථයක් තබා යාමට සිදුවන අවස්ථාවකදී රථයේ ඉදිරිපස ආලෝකමත් කර තිබිය යුතුය.

මෝටර් රථ වාහන පනතට එකතු වූ 2009/08 දරණ නව සංශෝධනයට පෙර වාහන අනතුරකදී සිදුවූ අලාභයන් අයකර ගැනීමට දිසා අධිකරණයක පනවන නඩුවකදී 106 වගන්තිය ප්‍රකාරව රක්ෂණ ආයතනය වෙත දැනුම් දීමක් පමණක් සිදුකිරීම ප්‍රමාණවත් වුවද නව සංශෝධනය අනුව රක්ෂණ ආයතනයද නඩුවේ විත්තිකරුවෙකු ලෙස නම් කල යුතු බව ඔබ මතක තබා ගත යුතුය.එසේ නොවුන හොත් ඔබට රක්ෂණ ආයතනයෙන් වන්දි ලබා ගැනීමට නොහැකිවනු ඇත.

මෝටර් රථ වාහන පිළිබදව දැනට බලපවත්වාන්නාවූ මෙම ප්‍රධාන නීති පද්ධතිය අන්තර්ගත වී ඇති 1951/අංක 14 දරන මෝටර් රථ වාහන පනත 1952 අංක 01 සිට 2009/08 දරන සංශෝධනය දක්වා 27 වතාවකට ආසන්න වාර ගණනක් සංශෝධන පනත් මගින් වරින්වර සංශෝධනය වී තිබේ.එසේම වර්තමානයේ සිදුවෙමින් පවතින අසීමිත වූ රිය අනතුරු අවම කර ගැනීම පිණිස නැවත වරක් සංශෝධනය කිරීමට යෝජනා වී ඇත.මෙලෙස බොහෝ වාර ගණනක් සංශෝධනය වීමෙන් ම මෙහි වැදගත්කම තහවරු වේ.එහෙත් කොතරම් නීති මගින් කොතරම් වන්දි ප්‍රමාණයක් ඔබට ලබා දුන්නද කොයිතරම් හෝ මිලක් ගෙවා ජීවිතය යලි ලබාගත නොහැකිය.සියල්ලන්ටම වඩා ඔබේ ජීවිතය වටිනා බැවින් ඔබේ ගමන ආරක්ෂාකාරීව යාමට හැකි උපරිම ලෙස උත්සහ ගන්න.
Manusha

Manusha Amal

මගේ තියන අත්දැකීම් මේ බ්ලොග් එක කියවන ඔබට පේනවනේ, ඉතින් ඔයාලට ගැටළුවක් අවොත් මාව Contact කරගන්න පුළුවන්.

Post A Comment:

1 comments:

දිරියක් වෙන්න අදහස් පෙළක් දාන්න