Before Buying a Used Vehicle - Book inspection

වාහනයක් ගන්න බල බල ඉන්නකොට හම්බ වුනේ කාට හරි වැදගත් වෙයි කියල දානවා




🔥 වාහන ලියාපදිංචි සහතිකය නීත්‍යානුකූල ද, නීත්‍යානුකූල නැතිද(ව්‍යාජ සහතිකයක්) දැයි හඳුනාගන්නේ කෙසේද?



⚠️ අද වාහනයක් ගන්නකොට බලන්න ඕනෑ දේවල් මෙන්න.



🔥 හරි පොතයි හොර පොතයි අඳුනගන්න පුළුවන් ද? වාහනයක පොතක් බලන්නේ කොහොමද?



ගොඩක් අය හිතාගෙන ඉන්නේ වාහනයක පොත හෙවත් ලියාපදිංචි සහතිකය බලන්න තමන් හොඳට දන්නවයි කියලයි.

බලමු ඔබ කොච්චර දුරට හරිද කියලා. ගොඩක් අය පොතක් අරගෙන බලන්නේ අයිතිකරුගේ නම ලිපිනය, පරම අයිතිය,

වාහනයේ නිෂ්පාදිත වර්ෂය, ලියාපදිංචිය වාගේ සරලම දේවල් විතරයි. ඔය ටික පොතේ මුද්‍රණය කරලම තියෙනවනෙ.

ඕවා බැලූවා කියලා අපිට වාහනයේ නිරවුල් භාවය පිළිබඳව කිසිම නිගමනයකට එන්න බෑ.

 අපි වාහනයක පොතක් අරන් එහි අංක එකේ සිට සටහන් මෙහෙම බලමු.



🌟 1. ලියාපදිංචි කිරීමේ අංකය :-

⚠️ කියලා දෙන්න ඕන නෑනෙ. කවුරුත් දන්නවනෙ. වාහනේ අපිට පිටට පේන්න එල්ලල තියෙන අංකෙනෙ.



🌟 2. චැසියේ අංකය :–

⚠️ පොතේ තියෙන චැසි අංකයත්, වාහනයේ තියෙන චැසි අංකයත් පරීක්ෂා කරන්න. චැසි අංකය වාහනයේ දෙතැනක තියෙනවා.

එකක් චැසියේම කොටා තිබෙන එකක්. ඒක තමයි කියවගන්න ඕනෑ. එහි අංකවල සුළු හෝ වෙනසක් තිබෙනවා නම් මෝටර් ප්‍රවාහන දෙපාර්තමේන්තුවට යොමුකර නිරවුල් කරගන්නම ඕනෑ. බිංදුවට ඕ අකුර, නවයට පී අකුර, එක ට හතේ ඉලක්කම වාගෙ වැරදි පොතේ තියෙන්න පුලුවන්. ඒවා හදාගන්න ඕනෑ. (2004 වසරේ ලියාපදිංචි කළ බඩී වෑන්වල එහෙම වැඩිපුරම තියෙන්නේ චැසියේ මුල් කොටස විතරයි.) 4DR ජීප් වලනම් චැසි අංකය කොටල තියෙන්නෙ රියදුරු අසුනට(Right Hand Drive) ප්‍රතිවිරුද්ධ පස ඉදිරිපස දොරට කෙලින් පහළ චැසියේ ඉදිරිපස චැසි Bend එකට පසුපසින්.



චැසි අංක කොටන්න යන්න කවුරුහරි උපදෙස් දුන්නොත් හොඳවයින් දෙකක් කියන්න. ඒක නීති විරෝධීයි. එහෙම කොටලා තිබෙන වාහන ගන්නත් එපා. මොකද Accident එකක් හරි වෙලා Case එක ඇදිල Check වුණොත් වාහනේ අයිතිකාරයත් අමාරුවෙ. දැන දැන ඇයි ප්‍රශ්ණවලට යන්නෙ නේද?



🌟 3. වර්තමාන අයිතිකරු :-

 ⚠️ කෙනෙක් “මම තමයි වර්තමාන අයිතිකාරයා” කිව්වට බෑ. ඔප්පු කරගන්න සාධක ඔබ සොයාගන්න. විකුණන ID එක බලන්න. ලිපිනය බලන්න. හොරු ජාවාරම් කරන්නෙත් ඔය විදිහටම නිසා බොහොම කල්පනාවෙන් තේරුම් ගන්න වෙනවා. ඔහු විස්තර ඉල්ලද්දී මගහරිනවා නම්, හදිසි කරනවා නම්, කාර්ය බහුල බවක්ම පෙන්වනවා නම්, කේන්ති ගන්නවා නම්, ඔබත් එක්ක කතා නොකර කෝල් කර කරම ඉන්නවා නම් අතහැරලා එන එක තමයි හොඳ. ඔබ වියදම් කරන්න යන්නේ ලක්ෂ ගණනක්. වරද්දා ගත්තොත් ගොඩ එන්න පුලුවන්ද? ඒ වගේද සමාජෙ වැදගත් විදිහට ඉඳල මේ වාහනයක් නිසා හිරේ විලංගුවෙ වැටෙන්න වුණොත් මොන තරම් ලැජ්ජාවක්ද?



ඒ වගේම ලිපිනය කියවලා බලන්න. මුහුදුබඩ ප්‍රදේශවල වැඩි කළක් පාවිච්චි කළ වාහන දිරා යාමේ ප්‍රවණතාව වැඩියි. දිරන්නේ අහුමුළු. ලිපිනය දැක්කහම දිරුම් ගැන වැඩිපුර බලන්න. වාහනයේ වර්තමාන හිමිකරු සමාගමක් බව පොතේ සඳහන් වෙනවා නම් පැවරුමට අදාලව තවත් අමතර ලියකියවිලි අවශ්‍ය වෙනවා. පැවරුම් ලේඛණවල එම්බෝස් සීල් හෙවත් තෙරපුම් මුද්‍රාව තිබිය යුතුයි. තෙරපුම් මුද්‍රාව භාවිත නොකරන සමාගමක් නම් ඒ බවට වෙනම ලිපියක් ඕනෑ. සමාගමේ ලියාපදිංචි සහතිකයේ පිටපතක්. ෆෝම් 48 හෝ ෆෝම් 20 ලේඛණය. මෙම පැවරුමට විරුද්ධ නොවන බවට මෝටර් රථ ප්‍රවාහන කොමසාරිස්ට සමාගම මගින් ලියනු ලබන ලිපිය.



🌟 4. කොන්දේසි/විශේෂ සටහන් :– ⚠️ පොත Duplicate ද? පොත ඔරිජිනල් දල ඩුප්ලිකේට්ද කියලා මෙතන තියෙනවා. පොත Duplicate නම් එක් දින පැවරුම් ලබා ගැනීම අසීරුයි. ඒ නිසා ලීසිං ගියොත් අයිතිකරුට චෙක් එක දෙන්නේ සාමාන්‍ය පැවරුමකට පස්සෙ. කාලය ගත වෙනවා. සමහර මුල්‍ය ආයතන ඩුප්ලිකේට් සහතිකය සහිත වාහනවලට ණය මුදල් අනුමත කරන්නේ නැහැ. හැබැයි ඩුප්ලිකේට් පොත් සහිත හොඳ තත්ත්වයේ වාහන වෙළඳපළේ අනන්ත හමුවෙනවා. ඒත් ඉහත ලියකියවිලි ගැටළු හින්දා වටිනාකම අඩුවෙන් ගන්නත් පුලුවන්. විකුණන්න වෙන්නෙත් එහෙමයි. මෙම වාහනය ගෙන්වලා තියෙන්නේ බදු සහන යටතේ නම් ඒ ගැන මෙතැන තියෙනවා. ඒ නිසා ලියාපදිංචි දිනය බලන්න. එතැන් පටන් අවුරුදු හතරක් හෝ පහක් යනතුරු පැවරුම කරන්න බැහැ. එක්කෝ පැවරුම කරනවා නම් බදු ගෙවන්න වෙනවා. ඕවා නොදැන ගත්තොත් කරදරයි.



🌟 5. පරම අයිතිකරු :- ⚠️ ෆිනෑන්ස් තියෙන වාහනයක්ද? ලීසිං තිඛෙනවා නම් එක පාරටම බයවෙන්න එපා. ලීසිං අවසන් කළ බවට වන ඩිලීෂන් ලෙටර් එක තිඛෙනවද බලන්න. ඒ ලියුමේ තියෙන වාහන අංකයත්, ලීසිං සමාගමේ නාමයත්, මෝටර් ප්‍රවාහන කොමසාරිස්ට එඩ්රස් කළ ලියුමක්ද බවත් චෙක් කරගන්න.



🌟 6. එන්ජින් අංකය බලමු :- ⚠️ එන්ජින් අංකය හොයාගන්න ටිකක් අමාරුයි. ඒත් ඒකත් චෙක් කරලා ගැළපෙනවද කියලා බලලම ගත්තොත් තමයි හොඳ. එන්ජින් එකක් අලූතෙන් තියලා RMV එකේ රෙජිස්ටර් කරලා නැති වාහන තියෙනවා. ඒවා රෙජිස්ටර් කරගන්න ඕනෑ. එන්ජින් එක ගත්ත බිලත් ඉදිරිපත් කරන්න ඕනෑ.



🌟 7 සිට 28 දක්වා පොතේ මුද්‍රිත තොරතුරු කියැවීමෙන් වාහනයේ නිරවුල්භාවය සමබන්ධ නිගමනවලට එන්න සාධක නැහැ.



🌟 21. පෙර අයිතිකරුවන්:- ⚠️ ඉන්ෂුවරන්ස් කන්ඩෙම් වාහනයක්ද? පෙර අයිතිකරුවන් අතර රක‍්ෂණ සමාගමක නාමයක් දැක්කොත් හරි පරෙස්සමෙන්. හොඳට බලන්න. ඉතා කෙටි කලකින් රක්‍ෂණ සමාගම මෙම වාහනය නැවත පැවරීමක් කර තිබේ නම් දෙවරක් සිතන්න. මෙය ඉන්ෂුවරන්ස් කන්ඩම් කළ වාහනයක් විය හැකියි. දැඩි අනතුරුවල දී රක්ෂණ සමාගම් එම වාහන වන්දි ගෙවා ලබාගෙන අඩු මුදලට විකුණා දමනවා. ඇත්තෙන්ම ඒවා නැවත අලුත්වැඩියා කර පාව්චිචියට සුදුසු ඒවා නොවෙයි. ඒත් අපේ සමහර අය එවැනි වාහන අඩු ගානට ගෙනත් හොයන්න බැරිවෙන්න හදලා විකුණා දමනවා. මෙවැනි අලුත්වැඩියාවන්වල ආයුෂ අඩුයි. යළි යළිත් කැඩී යාම්, වෙනස් වීම් සිදුවෙනවා. වාහනය අනතුරු දායකයි.

පෙර අයිතිකරු රජයේ ආයතනයක් ලෙස සටහන්ව දෙවන අයිතිකරුවන් නොමැති අතෙන් අත ආ වාහනයක් නම් එම වාහනය වෙන්දේසි කල බවට නිවැරදි තොරතුරු ඇතුලත් ලියවිල්ලට අමතරව හැකිනම් එම ආයතනයෙන්ද එම තොරතුරු සත්‍ය බව සනාථ කරගන්න. ඒ වගේ වාහන ට්‍රාන්සර් කරගන්න ගිහාම හොරාට පන්නපු එකක්නම් වාහනෙත් රාජසන්තකයි. පරණ රජයේ ජීප් වලට අදාළම වැදගත් කතාවක් මේක.



🌟 19 සහ 27 :– ලීසිං ගන්නවා නම් නිෂ්පාදිත වර්ෂයත්, පළමු ලියාපදංචියත් බලන්න.



මොකද ලියාපදිංචියෙන් වසරක් තුළ පවරන වාහනයකට දැන් ලීසිං ලබාගන්න පුලුවන් සියයට පනහක් විතරයි. ලියාපදිංචියෙන් වසරක් ඉක්ම ගිහින් නම් සියයට හැත්තෑවක් පුලුවන්. පොතේ අක්‍ෂර රටා ගලපා බැලීම, ලොට් අංක පිරික්සීම, පොත මුද්‍රණය කළ දිනය බැලීම ආදියෙන් යම් යම් නිගමනවලට එන්න පුලුවන් වෙන්නේ ඒ ගැන හොඳ දැනුමක් සහ නිරන්තර අධ්‍යයනයක් ඇති අයට විතරයි. කොටින්ම කිව්වොත් වාහන සේල්/බිස්නස් කරන ඉතා සුළු පිරිසකට විතරයි.



🔥⚠️ මේ විදිහටත් පුළුවන්නම් අනිවාර්යයෙන් පොත බලන්න.

පොත නිල් එලිය සහිත ස්කෑනින් උපකරණයක් මගින් පරීක්‍ෂා කරගන්න පුලූවන් නම් තමයි හොඳ. මොකද පොතක කලර් ප්‍රින්ට් එකක් ගත්තොත් හරි පොතයි හොර පොතයි හොයන්න බැහැ. හරි පොත ස්කෑන් කළහම රාජ්‍ය ලාංඡනයත්, මෝටර් රථ ප්‍රවාහන දෙපාර්තමේන්තු වේ ඉංග්‍රීසි අකුරු මණ්ඩලයත් පෙනෙන්න පටන් ගන්නවා. පරණ වාහනයක් ගන්නකොට මේ විදිහටම පුළුවන්නම් වාහන ආදායම් බලපත්‍රයත් පරීක්ෂා කරවගන්න. අදාළ ප්‍රාදේශීය ලේකම් කාර්යාලයට ගිහින් වාහනේ වර්තමානය දක්වා හරියට Liscene කරල තියෙනවද බලන්න. විහිළුවක් වගේ පේන්න පුළුවන් ඒත් දැන් ලෝකෙ එහෙම නැතුවත් බෑ. මිනිස්සු හරිම කපටියි. මූණට පේන කෙනා නෙමෙයි ඇතුලෙ ඉන්නෙ. Case එකක් වැටුණම මගහරිනව. සමහර වාහන අවුරුදු ගාණක බදු නොවෙපු ඇරියස් තියාගෙන ව්‍යාජ ලියකියවිලි හදල විකුණනව. මම ඒ වගේ සිදුවීම් අහලත් තියෙනව. ඒවගේ ජීප්වලට අහු වුණොත් පාරෙ නීත්‍යානුකූලව ධාවනය කරන්න අවුරුද්දට බදු(රු.8000) බැගින් පහුගිය වසර වල ඇරියස් සහ වෙනම දඩ මුදලක් ගෙවන්න වෙනව. ලක්ෂ දෙක තුන සෙට් වෙන වාහනත් ඕනෙ තරම් සෙට් වෙනව.



🔥⚠️ පොතේ තොරතුරු ඉන්ටනෙට් එකෙන් ගත්තොත් හරිද?

වාහනයක පොතේ තොරතුරු දැනගැනීමට මෝටර් ප්‍රවාහන දෙපාර්තමේන්තුවේ වෙබ් අඩවියට පිවිසීමෙන් පුලුවන්. ඒත් එහි සඳහන් වෙන්නේත් හොරා හොර පොතේ මුද්‍රණය කරගෙන එන්නේත් එම දෙයම නිසා මෙම තොරතුරු බලා ගත්තයි කියලා වැඩක් වෙයිද?



🔥⚠️ සමහර වාහන පවරන්න බැහැ.

පොතේ විශේෂ කොන්දේසි සටහන් දෙස බලන්න. යම් කාලසීමාවකට යටත්ව පැවරුම තහනම් කළ වාහන තිඛෙනවා. බදු සහන මත ගෙනා වාහන තිඛෙනවා. බදු සහන ලබා ගත් වාහන ලියාපදිංචියෙන් වසර 4ක් හෝ පහක් ගතවනතුරු පවරන්න බැහැ. හොර පොත්වල අකුරු රටා, ලොට් අංක ආදියත් වෙනස්. මේවා සොයාගන්න සාමාන්‍ය කෙනෙකුට බැහැ.



🔥⚠️ දඩයි බදුයි මට ගෙවන්න වෙයිද?

මෙම වාහනය පෙට්‍රල් වාහනයක් නම් එන්ජින් ධාරිතාව අනුවත්, ඩීසල් නම් එම ඉන්ධන විශේෂත්වය අනුවත් ටැක්ස් ගෙවන්න තිඛෙනවා. එහි කළින් නොගෙවූ හිග ටැක්ස් තිබුණොත් ඔබට ගෙවන්න වේවි. වාහනේ ගන්න කළින් මේ තොරතුරු නම් RMV එකට ගිහින් ගන්න පුලූවන්.



🔥⚠️ ඔබ්ජෙක්ෂන් දාලා තිබුණොත්?

වාහනය විකිණීමට විරුද්ධව කිසියම් පාර්ශ්වයක් විසින් මෝටර් ප්‍රවාහන කොමසාරිස් වෙත විරෝධතා ගොනුකර තිඛෙන්න පුලුවන්. ඔබ වාහනයට මුදල් ගෙවා අතට ගත් පසුව මුදල් ලබා ගත් වාහනයේ හිමිකරු පසෙකට වෙනවා. ඔබේ නමට පැවරුම කරගන්න මෝටර් ප්‍රවාහන දෙපාර්තමේන්තුවට ගියාට පස්සෙ තමයි වැඩේ පත්තු වෙන්නෙ. ට්‍රාන්සර් කරගන්න බෑ. විරෝධතාවක්. මෙවැනි ප්‍රශ්න කෙළවර වෙන විදිහක් ගැන කාටවත් කියන්න බෑ.



🔥⚠️ එම්ටී සික්ස් RMV එවලද?

සමහර අවස්ථාවල ට්‍රාන්සර් එකට ගියාම කියනවා වෙනත් නමකින් පැවරුම් ලේඛණ එවලා තියෙනවා කියලා. ඔබේ පැවරුම ප්‍රතික්‍ෂේප වෙනවා. මේ ප්‍රශ්නෙත් කෙළවර වෙන තැනක් කියන්න බෑ. ඔබ සල්ලි ගෙවලා ඉවරයිනෙ. සමහර වෙලාවට පැවරුම් ලේඛණයේ අත්සන වෙනස් කියන්න පුලුවන්. පැවරුම් ලේඛණවල සඳහන් දිනයේ සිට දින 14ක් ඉක්ම ගිහින් නම් එක් දිනකට රුපියල් සියය ගණනේ දඩ ගෙවන්නත් ලෑස්ති වෙලා යන්න. බැරිවෙලාවත් අවුරුද්දක් පරක්කු වෙලා තිබුණොත් 36500ක් ගෙනිච්චොත් ඇතිනෙ නේද?



🔥⚠️ වයිෆ්ගෙ වාහනේ හස්බන්ඩ් විකුණලා.

ගොඩක් අය විකුණන්නේ තමන්ගෙ නමට තියෙන වාහන නෙවෙයි. එහෙම වෙලාවට මේ ප්‍රශ්න වැඩියි. වාහනය විකුණන්නේ ලියාපදිංචි හිමිකරු වුනත් ප්‍රශ්න එන තැන් ඕන තරම්. බිරිඳගේ වාහනය සැමියා විකුණනවා. අම්මාගේ වාහනය පුතා විකුණනවා. සහෝදරයාගේ වාහනය, යාලුවාගේ වාහනය විකුණනවා. මේවාටත් විරෝධතා හා වෙනත් ගැටළු මතුවෙන තැන් අනන්තයි. ඉතින් හරි වැඩක්නෙ. කොහොමද මේ විදිහට අපි මේ ලංකාවෙන් වාහනයක් ගන්නේ?



ඇත්තටම ඒක හරිම කනගාටුදායක තත්ත්වයක්. අපි ව්‍යාපාරයක් වශයෙන් සිය දහස් ගණන් වාහන දිනපතා, සතිපතා, මාස්පතා, අවුරුදු පතා විකුණන අය දැකල තියෙනව.(වාහන සේල්) එ් අයට එහෙනම් මොන තරම් ගැටලු එන්න ඕනද? ඒවා අවම කරගන්න ඒ අය නම් සාර්ථක ක්‍රමවේදයන් අනුගමනය කරනවා. ඒ අය සැම විටම වාහනයේ අයිතිකාරයාට සම්පූර්ණ මුදල් ගෙවන්නේ ගැණුම්කරුගේ නමට පැවරුම සම්පූර්ණ කළ පසුවයි. එ් අය මෙහෙම කළත් ඔබ පෞද්ගලික කෙනෙකුගෙන් වාහනයක් ගන්නකොට ඒක කරන්න බෑනෙ. වාහනේ ඔබේ නමට පැවරුවාට පස්සෙ සල්ලි දෙන්නම් කියලා ඔබ වාහනේ අයිතිකාරයාට කිව්වොත් එයා කියයි හොඳට තියෙයි පිස්සුද ඔහේට කියලා. වාහනේ හිමිකරුගේ පැත්තෙන් බලන්නත් ඕනනෙ. ඒ නිසා පෞද්ගලිකව වාහනයක් ගන්නකොට මේ අවදානම නම් තිබෙනවා.



🔥⚠️ මුදල් හදිසියකට විකුණමි.

විදෙස් ගතවීමට කියලා හරිල සල්ලි හදිස්සියට කියලා හරි වාහන විකුණන්න හදන අවස්ථා ගැන සැළකිලිමත් වෙන්න. මේ කලබලය භයානක ගැටළු මතු කරන්න ඉඩ තියෙනවා. වාහනය අපිට දීලා සල්ලි අරන් එයා රට ගියාට පස්සෙ ගැටලූවක් මතු වුනොත් කොහොමද නිරවුල් කරගන්නේ? රට ගිහින් එක්ක එන්නද? සල්ලි හදිස්සියකට කියලා වාහන විකුණන අයත් ඉන්නවා. හදිසියේ පැවරුම සම්බන්ධයෙන් ගැටලූවක් ආවොත්? සල්ලි හදිස්සිකාරයා හින්දා ඒ ටික ඒ හදිස්සියට වියදම් කරලා ඉවරත් ඇති. ආය කොහොමද සල්ලි ගන්නෙ? කරදරේ වැටෙන්නේ වාහනේ ගත්ත ඔබ නේද?



🔥⚠️ වාහන විකුණන කලබලකාරයින්ගෙන් ප්‍රවේශම් වෙන්න.

වාහනයක් වෙළඳපලේ විකිණෙන මිලට වඩා අඩු මිලකට විකුණනවා කියලා දැන්වීම් එහෙම තියෙනවා නම් බොහොම කල්පනාවෙන්. ගැටළු සැඟවී සිටින්නේ මෙන්න මෙවැනි තැන්වලයි. අඩු ගානක් නිසා අපේ අය හරි කලබල වෙනවා. ඉක්මණට ගිහින් කිසිවක් හොයන්නේ බලන්නේ නැතිව සල්ලි ගෙවනවා. ඔබ වාහනේ ළඟට යනකොට තවත් අය එතැන කලබල කරනවා. එයාගෙ දුරකථනයටත් හෝ ගාලා කෝල් එනවා. ගැණුම්කාරයෙක් මග එනවා කියනවා. තවත් කට්ටියක් වාහනේ ගන්නම එනවා කියනවා. වාහනේ විකුණන්න හදන අයගේ කතා එහෙමනේ. ඉතින් මොකුත් බලන්නේ නෑ. අනිත් කෙනාට කලින් ඉස්සර වෙන්න හිතාගෙන සල්ලි ගෙවනවා. එක්කෝ ඊසි කෑෂ් කරනවා. බැංකු පොතට දානවා. ඔබට මොන කුවිතාන්සි දුන්නත්, මොන ගිවිසුම් ගැසුවත් ගැටළුව මතුවුනු වෙලාවට ඒවා වැඩක් වෙන්නෙ නෑ. වංචනිකයා ඒවා ගනන් ගන්නෙවත් නෑ. කිසි බයකුත් නෑ. මොන උසාවි ගියත්ල පොලිසි ගියත්, වංචනිකයාම ජයගන්නා වටපිටාවක් රට තුළ නිර්මාණය වී තියෙනවා. ඒ නිසා හොඳම දේ අපිම ආරක‍්ෂා වීමයි. වාහනයක් ගන්න යනකොට හොඳටම හඳුනා ගැනීමක් නැතිව ගනුදෙනු කරන්න යන්න එපා. වාහනේ ගන්න සල්ලි අරන් එනවා කියලා යන්නත් එපා. අද රට ඒ තරමටම වංචනිකයින්ගෙන් දූෂණය වෙලා.



වාහන, ඉඩකඩම් කියන්නේ ජාවාරම්කරුවන්ට එකවරම ලක‍ෂ ගණනක් මුදලින් වංචා කරගත හැකි පහසුම ජාවාරමක් බවට පත්වෙලා. අපේ අහිංසක ජනතාව අහුවෙනවා. වාහන ජාවාරම්කරුවන් ක්‍රියාත්මක වෙන්නේ එකම විදිහකට නෙවෙයි. මොන මොන විදිහෙන් එනවද කියන්න බැහැ. වෛද්‍යවරුන් වැනි විශේෂ වෘත්තීයවේදීන් හැටියට රඟපාමින් වංචා කරන පුද්ගලයින් ඉන්නවා. ඔබ ඔහුව දුටුවත් සැකයක් හිතෙන්නෙම නැහැ. ආගම දහමට ලැදි සැදැහැවතුන් ලෙසත්, කිසිවක් නොදත් ගැමියන් ලෙසත් රඟපාමින් වංචා කරන්නන්ද ඕනතරම්.



🔥⚠️ බොහෝ අය වාහනයක් ගන්නේ ජීවිතයේ වැදගත්ම බලාපොරොත්තුවක් ඉටුකර ගැනීමක් විදිහට. අමාරුවෙන් හරි හම්බ කරගත් සල්ලි සියල්ලම වාහනේට යොදවනවා. ඉතින් මේ වංචනිකයින් ඒ අහිංසකයින්ගේ ලස්සන බලාපොරොත්තු කෘෘර විදිහට විනාශ කරනවා. සමහර විට ඒ අහිංසකයින්ගේ ජීවිත කාලයම මේ නිසා නැති නාස්ති වෙනවා.අපි වාහන ගන්නකොට හරි පරෙස්සම් වෙමු. ඒ වගේම මේ පනිවිඩය අනිත් අයටත් කියා දී තවත් එක් කෙනෙක් හරි මේ අවදානම්වලින් මුදවා ගනිමු. එය අපට මිනිසුන් වශයෙන් කළ හැකි වැදගත්ම සේවයක්.



බුකියෙන් උපුටා ගන්නා ලදි.



6 Comments

දිරියක් වෙන්න අදහස් පෙළක් දාන්න

  1. මනුවෝ පොස්ට් එකේ කොටසක් කැපිලා දකුනුපැත්තෙන්

    ReplyDelete
  2. Also the newly discovered oil in the state of Texas in the US which brought the price of gas down considerably, along with the electric starter invention in 1912 which eliminated the need for a hand crank, made the gasoline vehicle the vehicle of choice.John Deere parts

    ReplyDelete
  3. After you have rendered funds for a particular vehicle that has caught your eye, you will be stuck with the vehicle thereafter.professional RV dealers in Kansas like Mid America RV

    ReplyDelete
  4. එන්ජින් එකක් අලුතින් තියල කියලා වාහනයක පොතේ විශේෂ කොන්දේසි කියන තැන සඳහන් වෙනවද.

    ReplyDelete
  5. For such purposes, will be planned and developed a steady, simple to fly and equipped for conveying hardware and sensors required a plane; and an arrangement of sensors and instrumentation appropriate for vehicle electronic control framework will be actualized. reinsurance

    ReplyDelete
  6. This investigation talks about the examinations led to gauge the equilibrium that was intended to quantify the lift just as the drag powers alongside the pitching snapshot of a few airfoils. Indeed, a large number of the angles during the plan of the streamlined features of automated flying vehicle have been considered for creation of proficient plan. https://europa-road.eu/hu/medence-szallitas-kedvezo-aron.php

    ReplyDelete
Post a Comment
Previous Post Next Post